ABŞ: Tramp razı olmasa, Rusiyaya sanksiya olmayacaq
ABŞ Nümayəndələr Palatasının spikeri Mayk Conson bildirib ki, Konqres Rusiyaya qarşı yeni sanksiyalar paketini Prezident Donald Trampın razılığı olmadan qəbul etməyəcək.
TodayPress TV xəbər verir ki, o, bu barədə “CBS News”a açıqlamasında danışıb.
Onun sözlərinə görə, əgər prezident bu tədbirləri dəstəkləsə, Konqres onları qəbul etməyə hazırdır.
“Əminəm ki, çətin dövrlər qeyri-adi tədbirlər tələb edir və Rusiyaya qarşı müvafiq sanksiyaların tətbiqi çoxdan gecikib. Konqresdə bununla bağlı güclü tələbat var. Məhz buna görə də, biz Ağ Ev və Senatdakı həmkarlarımızla birlikdə bu işi həyata keçirməyə hazırıq”, - deyə Conson vurğulayıb.
Aysel Mətləb
