Xolesterinin azalmasına kömək edən məhsullar açıqlandı

Bəzi bitki və heyvan mənşəli məhsulların rasiona daxil edilməsinin xolesterin səviyyəsini azaltmağa kömək edə biləcəyi açıqlanıb.

TodayPress TV xəbər verir ki, dietoloqların sözlərinə görə, qoz-fındıq, avokado, soyuq sıxılma zeytun yağı, çia toxumu, makadamiya qozu, fıstıq, kətan toxumu və balıq bu baxımdan xüsusilə faydalıdır. 

Bu məhsullar "olein" turşusu və “omega-3” kimi faydalı "mono" doymamış yağlarla, həmçinin bağırsaqda xolesterinin sovrulmasını azaldan qida lifləri ilə zəngindir.

Həmçinin qızılbalıq (losos) tərkibindəki “omega-3”lə yanaşı, kalium və maqnezium da təmin edir ki, bu da arterial təzyiqin normallaşmasına, qan dövranının yaxşılaşmasına və ürək-damar xəstəlikləri riskinin azalmasına kömək edir.

Xolesterin bütün heyvan və insan hüceyrələrinin membranlarının tərkib hissəsidir və hüceyrə funksiyalarının tənzimlənməsində mühüm rol oynayır – onsuz öd turşuları, “D” vitamini və bəzi hormonlar sintez oluna bilməz.

Təhlükəli olan xolesterinin normadan artıq səviyyəsidir, çünki bu zaman ateroskleroz riski artır. Çox vaxt xolesterinin yüksəlməsinə rasionda sadə karbohidratların, doymuş və trans yağların həddindən artıq istifadəsi səbəb olur.

Qiymət Mahir