Venesuelada ABŞ-yə qarşı hərbi qüvvələr səfərbər edilir
Venesuela Prezidenti Nikolas Maduro ölkənin müdafiə sistemini gücləndirmək və ABŞ-nin Karib hövzəsində artan hərbi mövcudluğuna qarşı tədbir olaraq milli milislərin səfərbərliyini genişləndirdiyini bəyan edib.
TodayPress TV xəbər verir ki, bu barədə yerli media məlumat yayıb.
Maduronun sözlərinə görə, ilk dəfə olaraq Venesuelada 15,751 müdafiə bazası və 5,336 hərbiləşdirilmiş birləşmə səfərbər ediləcək.
Prezident əlavə edib ki, təxminən 4,5 milyon təlim keçmiş vətəndaş artıq milli milis sıralarındadır və yeni könüllülərin qatılması ilə bu sayın 8 milyonu keçəcəyi gözlənilir.
Türkan İsgəndərli
