Ukrayna ABŞ-dən hüquqi zəmanət tələb edir

Ukraynanın xarici işlər naziri Andrey Sibiqa ABŞ dövlət katibi Marko Rubioya səylərinə, prezident Donald Trampa isə sülhməramlı liderliyinə görə təşəkkür edib.

TodayPress TV xəbər verir ki, onun sözlərinə görə, təhlükəsizlik zəmanətləri konkret, hüquqi qüvvəyə malik və effektiv olmalıdır:

“Onlar hərbi, diplomatik və hüquqi sahələri əhatə etməlidir. Ukrayna ordusunun gücləndirilməsi bizim əsas prioritetimizdir”.

Sibiqa vurğulayıb ki, Kiyev sülhə doğru addımlar atmağa hazırdır:

“Biz istənilən formatda liderlər görüşünə açığıq. Moskva bilməlidir ki, prosesi uzatmaq mümkün deyil. Əks halda, sərt sanksiyalar və Ukraynanın hərbi gücü artırılacaq”.

Nazir əlavə edib ki, Ukrayna transatlantik təhlükəsizlikdə etibarlı tərəfdaş olaraq qalacaq.

Qiymət Mahir