Tokayev Patriarx Kirili “Qızıl qartal” ordeni ilə təltif etdi
Qazaxıstan Prezidenti Kasım-Jomart Tokayev, Astanada Moskva və Bütün Rusiyanın Patriarxı Kiril ilə görüşü zamanı onu “Qızıl Qartal” ordeni ilə təltif edib.
TodayPress TV xəbər verir ki, bu barədə Qazaxıstan Prezidentinin mətbuat xidməti məlumat yayıb.
“Kasım-Jomart Tokayev, iki xalq arasında mənəvi əlaqələrin möhkəmləndirilməsinə verdiyi töhfəyə və xüsusi ehtiram əlaməti olaraq, Moskva və Bütün Rusiyanın Patriarxı Kirili “Qızıl Qartal” ordeni ilə təltif etdi”, - deyə məlumatda qeyd olunur.
Xatırladaq ki, daha əvvəl Azərbaycan Respublikasının Prezidenti İlham Əliyevə də Prezident Kasım-Jomart Tokayev tərəfindən Qazaxıstanın “Qızıl Qartal” ali ordeni təqdim olunub.
Aysel Mətləb
