Tailand yenidən Kamboca ordusunun mövqelərinə zərbə endirdi

Tailand silahlı qüvvələri bir gün ərzində ikinci dəfə Kamboca Silahlı Qüvvələrinin mövqelərinə qarşı döyüş təyyarələri ilə hava hücumu həyata keçirib.

TodayPress TV xəbər verir ki, bu barədə “The Nation” qəzeti Tailandın Kral Hərbi Hava Qüvvələrinin yaydığı bəyanata istinadla məlumat verib.

Bildirilib ki, yerli vaxtla saat 16:40-da (Bakı vaxtı ilə 13:40 - red.) dörd "F-16" qırıcısı əməliyyat keçirərək Kamboca ordusunun komanda məntəqəsini bombalayıb. Hədəf Tailand-Kamboca sərhədində yerləşən və mübahisəli ərazi hesab edilən Tamoanthom məbədinin cənubunda yerləşib.

Təyyarələr saat 17:00-da (Bakı vaxtı ilə 14:00 - red.) bazalarına geri qayıdıblar.

Töhfə Səməd