Rusiya Ukraynanın təlim poliqonuna zərbə endirdi

Ukrayna Silahlı Qüvvələrinin Quru Qoşunları iyulun 29-da Çerniqov vilayətindəki təlim poliqonuna Rusiya tərəfindən raket hücumu olduğunu təsdiqləyib. 

TodayPress TV xəbər verir ki, bu barədə Quru Qoşunlarının "Telegram" kanalında məlumat yayılıb.

Hücum Rusiya ordusunun “İsgəndər” raketləri ilə həyata keçirilib və Qonçarovskoye qəsəbəsi yaxınlığında yerləşən 169-cu “Desna” təlim mərkəzini hədəfə alıb.

Ukrayna tərəfi bildirib ki, təhlükəsizlik tədbirlərinə baxmayaraq, itkilərin qarşısını tam almaq mümkün olmayıb. Hücum nəticəsində 3 ukraynalı hərbçi həlak olub, 18-i yaralanıb. Hadisə yerinə təcili yardım xidmətləri göndərilib.

Türkan İsgəndərli