Kanada ABŞ-yə tətbiq etdiyi vergini ləğv etdi

Kanada hökuməti ABŞ ilə ticarət gərginliyinə səbəb olan rəqəmsal xidmətlər vergisini ləğv edib. 

TodayPress TV xəbər verir ki, bu vergi "Amazon", "Google", "Uber" və "Airbnb" kimi Amerika şirkətlərindən tutulurdu.

Kanadanın Baş naziri Mark Karni bildirib ki, bu qərardan sonra iki ölkə arasında dayandırılan ticarət danışıqları yenidən başlayacaq.

ABŞ prezidenti Donald Tramp daha əvvəl deyib ki, Kanada bu vergini ləğv etməyincə, onunla ticarət danışıqlarını davam etdirməyəcək. O, həmçinin xəbərdarlıq edib ki, Kanada ABŞ ilə iş görmək üçün əlavə rüsum ödəməli olacaq.

Türkan İsgəndərli