Gürcüstanın təhsil naziri istefa verdi
Gürcüstanın təhsil, elm və gənclər naziri Aleksandr Tsuladze vəzifəsindən istefa verib.
TodayPress TV xəbər verir ki, bu barədə o, sosial şəbəkədə paylaşım edib.
“Bu gün şəxsi qərarımla Gürcüstanın təhsil, elm və gənclər naziri vəzifəsindən istefa verirəm”, – deyə Tsuladze yazıb.
O, nazir olduğu müddətdə qurum əməkdaşları ilə birlikdə təhsilin bütün səviyyələrində keyfiyyətin artırılmasına yönəlmiş bir çox mühüm təşəbbüs və innovativ layihələr həyata keçirdiklərini bildirib.
Qeyd edək ki, Tsuladze 2024-cü ilin oktyabr ayından bu vəzifəni icra edirdi. O, bu postda sentyabrın 28-də istefa verən Georgi Amilaxvarini əvəzləmişdi.
Töhfə Səməd
