ABŞ vizalara rüsum tətbiq edəcək
ABŞ-də "H-1B" vizaları üçün nəzərdə tutulan yeni 100 000 dollarlıq rüsum qüvvəyə minir.
TodayPress TV xəbər verir ki, bu barədə "Reuters" məlumat yayıb.
Məlumata görə, bu ödəniş hər bir ərizəyə (petisiyaya) görə birdəfəlik tutulacaq və illik xarakter daşımayacaq.
Ağ Evin sözçüsü Karolin Livit qeyd edib ki, bu rüsum yalnız yeni viza üçün müraciət edən şirkətlərə şamil olunacaq. Hazırda viza sahibi olan şəxslərin ABŞ-yə qayıdışı zamanı bu ödəniş tələb olunmayacaq.
Qeyd edək ki, petisiya ABŞ şirkətlərinin xaricdən ixtisaslı işçiləri gətirmək üçün etdiyi rəsmi müraciətdir.
