ABŞ-də milli qürur hissi rekord səviyyədə azaldı

Amerikalıların öz ölkələri ilə fəxr etmə səviyyəsi rekord həddə enib.

TodayPress TV xəbər verir ki, bu barədə "Gallup" şirkətinin rəsmi saytında dərc olunan sorğunun nəticələrində bildirilib.

Sorğuya əsasən, ABŞ-də yaşayan yetkinlərin cəmi 58%-i özlərini “çox” (41%) və ya “yüksək dərəcədə” (17%) amerikalı olmaqdan qürur duyan kimi qiymətləndirib. Bu göstərici ötən illə müqayisədə 9 faiz bəndi azalıb.

Demokratlar arasında ölkələri ilə qürur duyanların nisbəti cəmi 36% olub – bu da keçən illə müqayisədə 26% azalma deməkdir. Respublikaçılar arasında isə əksinə – 92%-i qürur hissi yaşadığını bildirib, bu da 7% artım deməkdir.

Mütəxəssislər hesab edirlər ki, bu parçalanmada ABŞ-nin xarici siyasətindəki dəyişikliklər mühüm rol oynayıb. Donald Trampın hakimiyyətə gəlməsi ilə ABŞ Ukraynaya silah yardımını dayandırıb və bu, ictimai rəyin ciddi şəkildə dəyişməsinə səbəb olub.

Qiymət Mahir