“Ünvan Portalı”nda imkanlar genişləndirilib
Daşınmaz əmlak obyektləri üzrə “Ünvan Portalı” təkmilləşdirilib və bir sıra yeni funksiyalar istifadəyə verilib.
TodayPress TV xəbər verir ki, bu barədə Daşınmaz Əmlakın Dövlət Kadastrı və Reyestri PHŞ-nin sədri Nigar Alimova 2025-ci il ərzində görülmüş işlər və qarşıda duran hədəflərə dair mətbuat konfransında məlumat verib.
Onun sözlərinə görə, bu, ünvan məlumatlarının daha dəqiq və əlçatan formada təqdim edilməsi məqsədilə həyata keçirilib.
Yeniliklər çərçivəsində daşınmaz əmlak obyektlərinə dair giriş ünvanları ilə yanaşı daxili ünvan məlumatlarının təsviri, köhnə və yeni ünvan məlumatları əsasında axtarış modulu, həmçinin coğrafi və metrik koordinatlar əsasında məkanın müəyyən edilməsi imkanları yaradılıb.
Bildirilib ki, portalda “Ünvan xidmətləri”, “Ümumi məlumat”, “Qanunvericilik”, “Şikayət və təkliflər” və “İstifadəçi təlimatı” adlı yeni bölmələr də istifadəyə verilib. Bununla yanaşı, “Daşınmaz əmlakın ünvan rekvizitlərinin naturada müəyyən edilərək coğrafi informasiya sisteminə (CİS) daxil edilməsi” və “daşınmaz əmlak obyektinə verilmiş elektron ünvan arayışlarının yoxlanılması” üzrə elektron xidmətlər tətbiq olunub.
Qiymət Mahir
