“Şahdəniz”dən hasil edilən təbii qazın həcmi azaldı

Cari ilin yanvar-iyul aylarında “Şahdəniz” yatağından 13,8 milyard kubmetr təbii qaz hasil edilib.

Bu barədə TodayPress TV-yə Energetika Nazirliyindən məlumat verilib.

Məlumata görə, bu göstərici 2024-cü ilin yanvar-iyul ayları ilə müqayisədə 0,2 milyard kubmetr və ya 1,4% azdır.

Belə ki, ötən ilin eyni dövründə “Şahdəniz” yatağından 14 milyard kubmetr təbii qaz hasil edilmişdi.

Qeyd edək ki, 2025-ci ilin yanvar-iyun aylarında Azərbaycanda 25,2 milyard kubmetr təbii qaz hasil edilib. Qazın 6,6 milyard kubmetri “Azəri-Çıraq-Günəşli”nin, 13,8 milyard kubmetri “Şahdəniz”in, 0,8 milyard kubmetri “Abşeron” yatağının, 4 milyard kubmetrə yaxını isə SOCAR-ın payına düşüb.