Gün ərzində nə qədər şəkər qəbul etmək olar?

Kifayət qədər fiziki aktivliyi olan uşaqlar üçün şirniyyat istehlakı məhdud olmalıdır. Həkimlərin tövsiyəsinə əsasən kiçik yaşlı uşaqlar gündə 1-2 konfet, yeniyetmələr isə 2-3 konfet yeyə bilərlər.

TodayPress TV xəbər verir ki, bu tövsiyələr şəkər qəbulu norması ilə əlaqədardır. 

Belə ki, birinci sinif şagirdləri gündə 45 qramdan artıq şəkər qəbul etməməlidir. İbtidai sinif şagirdləri üçün bu miqdar maksimum 58 qram, yeniyetmələr üçün isə 67 qram təşkil edir.

Mütəxəssislər əlavə edirlər ki, bir banka kola tərkibində təxminən 9 ədəd şəkər kuba (təxminən 35-40 qram) qədər şəkər ehtiva edir ki, bu da həm uşaqlar, həm də böyüklər üçün tövsiyə edilən gündəlik normanı aşır.

Valideynlərə uşaqların şəkər qəbulunu nəzarətdə saxlamaq, mümkün olduqca şirniyyatları təbii qidalarla əvəz etmək tövsiyə olunur.

Türkan İsgəndərli