ABŞ-nin İran zərbələri fonunda dollar gücləndi
ABŞ-nin İranın nüvə obyektlərinə endirdiyi zərbələr investorlar arasında narahatlıq yaradıb və bu, maliyyə bazarlarında mühüm dəyişikliklərə səbəb olub.
TodayPress TV xəbər verir ki, bu barədə "Reuters" yazıb:
"ABŞ dolları güclənib, çünki risklər fonunda investorlar təhlükəsiz aktivlərə, xüsusilə də dollara üstünlük verməyə başlayıblar. Bununla belə, bazar iştirakçıları Tehranın rəsmi reaksiyasını gözlədiyindən valyuta hərəkətləri hələlik məhduddur".
Ən ciddi dəyişiklik 23 iyun tarixində neft bazarında qeydə alınıb. Brent markalı neftin qiyməti beş ayın maksimumuna – 78,5 dollar/barelə yüksəlib.
Eyni zamanda, ABŞ prezidenti Donald Trampın İranda rejim dəyişikliyinin mümkünlüyü barədə verdiyi açıqlamalardan sonra qlobal fond indeksləri enişə keçib.
Qiymət Mahir
