Çin məşhur telefonu yenidən istehsal edir
Çinin "Zinwa Technologies" şirkəti köhnə "Blackberry Q20" (Classic) modelinin müasir versiyası olan "Zinwa Q25 Pro" smartfonunu təqdim edib.
TodayPress TV xəbər verir ki, yeni modelin prosessoru dəyişdirilərək "MediaTek Helio G99" ilə əvəz olunub.
Yaddaşı isə 12 GB RAM və 256 GB daxili yaddaşa qədər artırılıb. Əsas kamera 50 MP, ön kamera isə 8 MP olub.
Batareya tutumu 3000 mAh-a çatdırılıb və cihaz artıq "USB Type-C" ilə doldurulur. Əməliyyat sistemi kimi "Android 13" istifadə olunur. Klassik 3,5 düymlük kvadrat ekran və fiziki klaviatura saxlanılıb.
"Zinwa Q25 Pro" smartfonunun qiyməti 420 dollar olacaq və məhdud sayda satışa çıxarılacaq.
Türkan İsgəndərli
