Keçmiş "Qalatasaray" oyunçusu “Fənərbağça”da
Keçmiş "Qalatasaray"lı Kerem Aktürkoğlu ilə bütün məsələlərdə razılığa gələn “Fənərbağça” onun məxsus olduğu “Benfika”dan da şifahi razılıq alıb.
TodayPress TV Türkiyə mətbuatına istinadən xəbər verir ki, Türkiyə və Portuqaliya klubları arasındakı razılaşmanın qısa müddətdə rəsmi şəkildə elan olunması gözlənilir.
“Fənərbağça”nın “Feyenoord”a uduzacağı təqdirdə Keremin avqustun 13-də İstanbula gələ biləcəyi iddia olunur. Əgər “Fənərbağça” mərhələni keçərsə, proses bir qədər uzana bilər.
Məlumata görə, "sarı-lacivərdlilər"in yerli futbolçular üçün yaratdığı “WhatsApp” qrupuna Kerem Aktürkoğlu da əlavə olunub. "Fənər"in onun üçün qarşı tərəfə 22+3 milyon avroluq təklif irəli sürdüyü bildirilir.
