Belçikalı ulduz “Napoli”yə keçir
“Napoli” klubunun prezidenti Aurelio De Laurentis, “Mançester Siti”dən ayrılan belçikalı yarımmüdafiəçi Kevin De Bröynenin tezliklə Neapol təmsilçisinə keçəcəyini təsdiqləyib.
TodayPress TV xəbər verir ki, “Sky Sports”un yaydığı məlumata görə, De Laurentis bildirib: “Bilirəm ki, Kevin artıq İtaliyada villa alıb. Bu səhər onunla və ailəsi ilə videozəngimiz oldu.
Hələ müqavilə imzalanmayıb, amma hər şey ciddi görünür”.
Qeyd edək ki, "Napoli" cari mövsümdə İtaliya çempionu olub.
Kevin De Bröyne isə “Mançester Siti”nin heyətində 38 matçda 6 qol və 8 assistlə yadda qalıb. Onun klubla müqaviləsi 30 iyun 2025-ci ildə başa çatacaq.
“Transfermarkt” portalında futbolçunun bazar dəyəri 27 milyon avro qiymətləndirilir.
Namiq HUN
