Tramp Si Cinpinlə görüşəcək
ABŞ Prezidenti Donald Tramp yaxın həftələrdə Cənubi Koreyada Çin prezidenti Si Cinpinlə görüşəcək.
TodayPress TV xəbər verir ki, bu barədə o, “Fox News”a müsahibəsində deyib.
Ağ Ev rəhbəri Çin lideri ilə münasibətlərinin yaxşı olduğunu, Si Cinpini güclü və heyrətamiz bir şəxs hesab etdiyini qeyd edib.
Oktyabrın 15-də Ağ Evin Milli İqtisadi Şurasının sədri Kevin Hasset də deyib ki, nadir torpaq elementləri ilə bağlı gərginliyə baxmayaraq, Tramp və Si Cinpin arasında güclü əlaqələr qalır.
Qeyd edək ki, Tramp noyabrın 1-dən etibarən Çindən idxal olunan bütün mallara əlavə 100% rüsum tətbiq ediləcəyini elan edib.
Türkan İsgəndərli
