Tokayev: "Bu faciə təkrar olunmamalıdır"

"Xalqımız atom silahı sınaqlarının ən ağır nəticələrinin qurbanı olub. Bu faciə təkrar olunmamalıdır".

TodayPress TV xəbər verir ki, bu barədə Qazaxıstan Prezidenti Kasım-Jomart Tokayev öz "X" sosial şəbəkə hesabında yazıb. 

Qazaxıstan lideri xatırladıb ki, bu gün Nüvə Sınaqlarına qarşı Beynəlxalq Fəaliyyət Günüdür. Bu anım tarixi BMT Baş Assambleyası tərəfindən Qazaxıstanın təşəbbüsü ilə təsis edilib:

"Gələcək nəsillər naminə biz sülhü möhkəmləndirməli, beynəlxalq əməkdaşlığı inkişaf etdirməli, nüvəsizləşmə və nüvə sınaqlarından imtina istiqamətində səylər göstərməliyik. Sülh və təhlükəsizlik bütün bəşəriyyəti birləşdirən ali dəyərlərdir".

Töhfə Səməd