Macarıstanda LGBT paradı qadağan edildi
Macarıstan polisi paytaxt Budapeştdə planlaşdırılan seksual və gender azlıqlarının hüquqlarını müdafiə edən paradı qadağan edib.
TodayPress TV xəbər verir ki, bu barədə "Reuters" məlumat yayıb.
Macarıstan parlamentinin apreldə konstitusiyaya etdiyi dəyişikliyə əsasən, seksual və gender azlıqlarının ictimai tədbirlərini qadağan edib.
Qanun dəyişikliyini Macarıstanın Baş naziri Viktor Orbanın rəhbərlik etdiyi hakim "Fidesz" partiyası irəli sürüb. Orban hökuməti son illərdə LGBT hərəkatının hüquqlarını sistemli şəkildə məhdudlaşdırıb.
Qeyd edək ki, parad 28 iyun tarixində keçirilməsi nəzərdə tutulurdu.
Töhfə Səməd
