HƏMAS bütün girovları azad etməyə hazırdır
Fələstinin HƏMAS hərəkatı İsraillə anklavda hərbi əməliyyatların tamamilə dayandırılmasını nəzərdə tutan hərtərəfli saziş çərçivəsində Qəzza zolağında saxlanılan bütün girovları azad etməyə hazır olduğunu bəyan edib.
TodayPress TV xəbər verir ki, bu barədə HƏMAS özünün "Telegram" kanalında paylaşım edib.
"HƏMAS təsdiq edir ki, razılaşdırılmış sayda fələstinli məhbus müqabilində bütün girovları azad edəcək hərtərəfli sazişə doğru irəliləməyə hazırdır. Bu razılaşma həmçinin Qəzzada müharibənin dayandırılmasını və İsrail qoşunlarının oradan çıxarılmasını da əhatə etməlidir", - bəyanatda deyilir.
