"Colgate" Argentinada qadağan edildi

Argentinada "Colgate" markasının "Total Active Prevention Clean Mint" adlı diş pastası qadağan edilib. 

TodayPress TV xəbər verir ki, səbəb bu məhsuldan istifadə edən bəzi insanlarda ağızda yara, şişlik və yanma kimi problemlərin yaranmasıdır.

Ümumilikdə 19 nəfər bu diş pastasından sonra ağız boşluğunda iltihab, qıcıqlanma və digər xoşagəlməz hallar yaşadığını bildirib. Buna görə də Argentina hökumətinin Dərman və Qida Keyfiyyətinə Nəzarət Agentliyi (ANMAT) bu məhsulun satışını dayandırıb.

Agentlik vətəndaşları bu diş pastasından istifadə etdikdən sonra yaranan hər hansı problemi bildirməyə çağırıb.

Türkan İsgəndərli