Almaniya qırıcılarının Türkiyəyə satışı təsdiqləndi

Almaniya hökuməti Türkiyəyə Eurofighter döyüş təyyarələrinin satışına yaşıl işıq yandırıb.

TodayPress TV xəbər verir ki, bu barədə "Spiegel" məlumat yayıb.

Məlumata görə, Almaniya Federal Təhlükəsizlik Şurası Ankaranın 40 ədəd "Eurofighter Typhoon" təyyarəsinə dair ilkin tələbini rəsmi şəkildə təsdiqləyib.

Türkiyəyə tədarük ediləcək təyyarələr Almaniya mənşəli texnoloji təchizatlarla Böyük Britaniyada istehsal ediləcək.

Xatırladaq ki, Almaniya bundan öncə Ankaraya silah ixracına müəyyən məhdudiyyətlər tətbiq edib. 

Bu qərar isə iki ölkə arasında hərbi-texniki əməkdaşlığın yenidən aktiv fazaya keçməsinə yol aça bilər.

Nicat Osman