ABŞ Rusiyaya yeni səfir müavini təyin etdi
ABŞ diplomatı C.Duqlas Daykhous Rusiyadakı səfirliyin missiya rəhbərinin yeni müavini vəzifəsinə təyin olunub.
TodayPress TV xəbər verir ki, bu barədə ABŞ-nin Moskvadakı səfirliyi rəsmi məlumat yayıb.
Daykhousun 25 ildən artıq diplomatik təcrübəyə malik olduğu vurğulanıb. O, Moskvaya gəlməzdən əvvəl ABŞ Dövlət Departamentinin Xaricdə Tikinti Əməliyyatları Bürosunda rəhbər müavin, eləcə də Cənubi və Mərkəzi Asiya İşləri Bürosunun rəhbəri vəzifələrində çalışıb.
Diplomatın daha əvvəl Əfqanıstan, Meksika, Macarıstan, Xorvatiya və Türkmənistanda da işlədiyi bildirilir.
Səfirlik qeyd edib ki, Daykhouse Rusiya və Şərqi Avropanın geosiyasi xüsusiyyətlərini dərindən anlayır.
Türkan İsgəndərli
