Tədqiqatçı: “ Fransadan sümüklərin qaytarılması tələb olunur”

“Psixoloji yanaşma baxımından dostlarımızla addımlamaq çətindir. Çünki əlcəzairlilərin şüuraltısına, xüsusilə bu regionda və ümumən ölkə miqyasında hücum olunub”.

TodayPress TV xəbər verir ki, bunu Əlcəzair Universitetində politologiya sahəsində elmi tədqiqatçı olan Hichem Daoud “İmperial quruluş: müstəmləkəçilik ideologiyaları və reallıqlar” adlı beynəlxalq elmi konfransda deyib.

O, bu hücumun birbaşa aşağılanma kompleksi üzərində qurulduğunu bildirib: 

“Başqa sözlə desək, insanlar güc balansı qarşısında aciz olduqlarına inandırılıb. Nüvə texnologiyasına sahib olmaq imkanı belə əlindən alınmış bir toplum düşünün. Şarl de Qoll bu məsələdə Fransa dövlətinin müharibə cinayətlərinə görə üzr istəməsi üçün bir neçə dəfə çağırış etmişdi. 2017-ci ildə isə prezident Emmanuel Makron bu məsələ ilə bağlı müəyyən bir tanıma ifadə etdi, amma bu, müharibə cinayətlərinin deyil, onun sözləri ilə desək, “ordu tərəfindən buraxılmış səhvlərin” etirafı idi. Lakin bir neçə il sonra Fransa dövləti bu bəyanatdan geri çəkildi və Əlcəzairlə bağlı konkret heç bir addım atmadı”.

Tədqiqatçı muzeydə saxlanılan sümüklər və kəllələrdən danışıb:

“Burada başqa bir həssas məsələ də var: Paris Katakomb muzeyində saxlanılan Əlcəzair şəhidlərinin sümükləri və kəllələri. Bu məsələni araşdırmaq üçün 2022-ci ildə birgə komissiya yaradılıb. Əlcəzair tərəfindən bu komissiyada Əlcəzair Milli Arxivinin rəhbəri Əbdülməcidd Şeyxi, Fransa tərəfindən isə tanınmış tarixçi Benjamin Skora təmsil olunur. Komissiyanın məqsədi Fransada saxlanılan Əlcəzair şəhidlərinin qalıqlarının ölkəyə qaytarılması ilə bağlı hər iki tərəf üçün hesabat hazırlamaq idi. Bu sümüklər, bu kəllələr sadə insanların deyil, azadlıq uğrunda mübarizə aparmış şəhidlərin qalıqlarıdır. Əlcəzair bu şəhidlərin torpağa əmanət olunması və onlara layiqli hörmət göstərilməsi üçün onların geri qaytarılmasını tələb edir. Təəssüf ki, Əlcəzair və Fransa arasında yaşanan diplomatik böhran səbəbindən bu komissiyanın fəaliyyəti hazırda dondurulub”.

Hichem Daoud, həmçinin Yeni Kaledoniyadan bəhs edib:

“Yeni Kaledoniya məsələsi bu gün almanların da diqqətini cəlb edir. Çünki orada Əlcəzairdən köç etmiş ailələrin nəslindən olan insanlar yaşayır. Onlar artıq Yeni Kaledoniya cəmiyyətinin bir hissəsidir”.

O vurğulayıb ki, həm əlcəzairlilər, həm də kanaklar dekolonizasiya və müstəqillik arzusu ilə yaşayır:

“Əlcəzair xalqı bu müstəqilliyi Fransa ilə aparılan azadlıq müharibəsi nəticəsində əldə edib. Bu gün Kanaki xalqı isə hələ də fransız hökmranlığından azad olmaq uğrunda mübarizə aparır”.

Qiymət Mahir