Mehriban Xanlarova: “Fəxri adlar hamıdan geri alınsa, razıyam”

“Bir şərtlə bu qərara razı olaram ki, fəxri adlar ayrı-seçkilik olmadan hamıdan geri alınsın”.

Əməkdar artist Mehriban Xanlarova bunu TodayPress TV-yə danışarkən bildirib.

“Belə olsa, mən razıyam. Amma illərdir bu adı almaq üçün gözləyən sənətçilər bu qərara necə reaksiya verəcəklər, razı olacaqlar yoxsa yox, onu bilmirəm. Düzü, mənə Əməkdar artist adı da mənə bəsdir. Əsas odur ki, xalqın sevgisini qazanmışam. O qədər Xalq və ya Əməkdar artistlərimiz var ki, heç küçəyə çıxanda heç kim onları tanımır”. 

Əməkdar artistin fikrincə, fəxri adlar yığışdırılsa, “ağ” ilə “qara” bir-birindən seçilər. Sənətdəki bütün nöqsanlar üzə çıxar.   

Töhfə Səməd