“Qalatasaray” Osimhenə sahib çıxdı

İstanbul təmsilçisi İtaliyanın “Napoli” klubunun nigeriyalı futbolçusu Viktor Osimhenin transferini başa çatdırıb.

TodayPress TV Türkiyə klubunun mətbuat xidmətinə istinadən xəbər verir ki, futbolçu ilə 4 illik müqavilə imzalanıb.

“Qalatasaray” Osimhenin transferinə Türkiyə çempionatı üçün rekord məbləğ, 75 milyon avro ödəyib. 

Hücumçu hər mövsüm üçün 18 milyon avro qazanacaq. Sözləşməyə əsasən, Osimhen növbəti 2 il ərzində heç bir İtaliya klubuna transfer oluna bilməz.

Qeyd edək ki, 26 yaşlı futbolçu ötən mövsümü icarə əsasında “Qalatasaray”da keçirib. Klubun heyətində müxtəlif turnirlərdə 41 oyun keçirən forvard 37 qol və 8 məhsuldar ötürmə ilə yadda qalıb. O, 26 qolla Türkiyə Super Liqasının bombardiri olub.

Namiq HUN