Kayl Uoker “şəhərlilər”dən ayrılmasının səbəbini açıqladı

İdman

23.08.2025 14:00

“Mançester Siti”nin sabiq kapitanı və müdafiəçisi Kayl Uoker yayda klubu niyə tərk edərək “Bernli”yə keçdiyini açıqlayıb. 

TodayPress TV xəbər verir ki, bu barədə “The Telegraph” məlumat yayıb.

“Son vaxtlar oynamırdım. ‘Mançester Siti’ azarkeşlərinə böyük hörmətim var – onlar inanılmaz idilər. Biz onlara unudulmaz anlar bəxş etdik, onlar da bizə. Məsələn, 2021/22 mövsümünün son oyununda “Aston Villa”ya 0:2 uduzurduq, amma onlar stadionu tərk etmədilər və sona qədər inandılar. Sonda isə biz 3:2 hesabı ilə qalib gəldik və çempion olduq. Həqiqi azarkeşlər yaxşı gündə də, çətin vaxtlarda da bizimlə idilər.

Mən özümü “günahkar” deməzdim, amma kapitan idim və komanda pis oyun göstərirdi. Ötən mövsümdə bir çox əsas oyunçu uzun müddət zədə səbəbindən kənarda qaldı. Mənə qarşı açıq şəkildə ittiham yox idi, amma kapitan olduğum üçün özümü məsuliyyətli, hətta günahkar kimi hiss edirdim,” – deyə Uoker bildirib.

Namiq HUN

tag: kayl Uoker,Mançester Siti,Klub,Ayrılıq,Todaypress.tv,