ÇL: “Fənərbaxça” “Benfika”nı ram edə bilmədi

UEFA Çempionlar Liqasında (ÇL) pley-off mərhələsinin növbəti oyunlar keçirilib.

TodayPress TV xəbər verir ki, baş tutan 4 qarşılaşma ilə mərhələnin ilk görüşlərinə yekun vurulub.

Türkiyənin İstanbul şəhərində “Fənərbağça” Portuqaliyanın “Benfika” klubu qəbul edib. Matç qolsuz bərabərliklə başa çatıb, 0:0. 

Qazaxıstanın “Kayrat” klubu Şotlandiyada sürprizə imza atıb. Komanda “Seltik”lə səfər qarşılaşmasında heç-heçəyə nail olub. Bu görüşdə də tablodakı sıfırlar dəyişməyib.

“Bazel” – “Kopenhagen” görüşündə də qalib məlum olmayıb. Amma ilk iki qarşılaşmadan fərqli olaraq bu dəfə qapılara qol vurulub, 1:1. 

"Budo/Qlimt" ilk oyunda inamlı qələbə qazanıb. Norveç təmsilçisi “Şturm”un qapısından 5 cavabsız top keçirib. Norveç çempionu Liqa mərhələsinə vəsiqəni, demək olar ki, təmin edib.

Qeyd edək ki, pley-off mərhələsinin cavab oyunları avqustun 26-27-də keçiriləcək.

Namiq HUN