Kürdəmirdə 59 yaşlı kişi öldürüldü

Kürdəmirdə qətl hadisəsi törədilib.

TodayPress TV xəbər verir ki, hadisə Sığırlı kəndində qeydə alınıb.

Belə ki, kənd sakini, 1966-cı il təvəllüdlü Nuriyev Hafiz Çümşüd oğlu münaqişə zamanı həmkəndlisi tərəfindən bıçaqlanıb. Ağır xəsarət alan yaralı elə hadisə yerindəcə dünyasını dəyişib.

Hadisə yerinə rayonun hüquq-mühafizə orqanlarının əməkdaşları cəlb olunub.

Qətlin başvermə səbəbləri araşdırılır.