Ərdoğanın Azərbaycana səfər proqramı AÇIQLANDI
Türkiyə Prezidenti Rəcəb Tayyib Ərdoğanın Azərbaycana səfəri ilə bağlı proqram açıqlanıb.
TodayPress TV xəbər verir ki, Ərdoğan Şuşada rəsmi mərasimlə qarşılanacaq.
Daha sonra Türkiyə Prezidenti Azərbaycan Prezidenti İlham Əliyevlə görüş keçirəcək. Görüşdən sonra liderlərin birgə bəyanatla çıxış etməsi nəzərdə tutulur.
Səfər proqramına Xocalı soyqırımı memorialı və muzeyinin, həmçinin Xankəndidəki Zəfər abidəsinin ziyarəti daxildir.
Ərdoğan, həmçinin şərəfinə təşkil olunacaq rəsmi naharda iştirak edəcək.
Kübra Musayeva
