Türk bayraqlı gəmilərə maksimum təhlükəsizlik tədbiri tətbiq olundu

İsrailin İrana qarşı hava hücumlarından sonra bölgədə gərginliyin artması fonunda Türkiyə nəqliyyat naziri Abdulkadir Uraloğlu Türk bayraqlı gəmilərin təhlükəsizliyini təmin etmək üçün yeni qərar qəbul edildiyini açıqlayıb.

TodayPress TV "TRT Haber"e istinadən xəbər verir ki, nazirin sözlərinə görə, İran limanlarına daxil olacaq və Hörmüz boğazında hərəkət edəcək bütün Türk bayraqlı gəmilərdə təhlükəsizlik səviyyəsi maksimuma – 3-cü səviyyəyə yüksəldilib.

Bu qərar 17 iyun tarixindən qüvvəyə minib.

Nazir bildirib ki, bu addım gəmilərin mümkün təhlükələrə qarşı hazır olmasını, limanda olduqları müddətdə lazımi tədbirlərin görülməsini və təhdidlərə erkən cavab verə bilmələrini təmin edəcək.

Qiymət Mahir