Rusiya Baltik dənizində sualtı təxribatlara qarşı hərbi təlim keçirdi

Rusiya Silahlı Qüvvələri Baltik dənizində sualtı hücumların qarşısının alınmasına yönəlmiş hərbi təlimlər həyata keçirib.

TodayPress TV xəbər verir ki, bu barədə Rusiya Müdafiə Nazirliyi məlumat yayıb.  

Nazirliyin açıqlamasına əsasən, təlimlər zamanı sualtı təxribat qrupları aşkar edilərək zərərsizləşdirilib. Həmçinin pilotsuz qayıqlarla mübarizə aparmaq üçün pilotsuz uçuş aparatlarından (PUA) istifadə olunub.

Məlumatda qeyd olunub ki, təlimlərin məqsədlərindən biri də Rusiya Hərbi Dəniz Qüvvələrinin sualtı sabotajlara qarşı mübarizə qabiliyyətini qiymətləndirmək olub.

Qeyd edək ki, bu, avqust ayı ərzində Rusiyanın sualtı qayıqlara qarşı yönəlmiş ikinci hərbi təlimidir. 

Töhfə Səməd