Pezeşkian: “İran ABŞ ilə nüvə danışıqlarını davam etdirəcək”

“İran müharibə istəmir, ölkə  ABŞ ilə nüvə məsələsində danışıqları davam etdirəcək”.   

TodayPress “Mehr” agentliyinə istinadən xəbər verir ki , bunu İran prezidenti Məsud Pezeşkian deyib. 

Eyni zamanda siyasətçi İranın heç bir təhlükədən qorxmadığını vurğulayıb.

Onun sözlərinə görə, ABŞ prezidenti Donald Trampın bəyanatlarında ziddiyyətlər var. 

Pezeşkian qeyd edib ki, Tramp bəzən Tehranı sülhə çağırır, bəzən ölkəsinin hazırladığı məhvetmə vasitələri ilə hədələyir və bununla bağlı Amerika prezidentinin hansı bəyanatına inanmaq olar, anlamaq çətindir. 

Qeyd edək ki, mayın 14-də ABŞ prezidenti Donald Tramp bildirib ki, İran nüvə silahı yaratmaq planlarından imtina edərsə, onunla saziş bağlamağa hazırdır.