Məşhur saat istehsalçı şirkəti Çindən üzr istədi

İsveçrənin məşhur saat istehsalçısı "Swatch" Çin sosial media istifadəçilərinin şirkəti asiyalıların xarici görünüşünü ələ salmaqda ittiham etməsindən sonra Çindəki reklam afişalarını geri götürüb. 

TodayPress TV xəbər verir ki, bu barədə "Reuters" məlumat yayıb.

Mübahisəyə səbəb olan reklam kampaniyası Çin sosial şəbəkələrində geniş tənqid olunub. Xüsusilə fotolardan birində asiyalı görünüşlü bir gəncin gözlərinin kənarını aşağı çəkməsi istifadəçilər tərəfindən Asiya xalqlarının xarici görünüşünə istehza kimi qəbul edilib.

Şirkət həftə sonu Çinin "Weibo" sosial şəbəkəsində məsələ ilə bağlı açıqlama verərək, istifadəçilərin şikayətlərini qeyd etdiyini və bütün mübahisəli materialların silindiyini bəyan edib.

Türkan İsgəndərli