Medinski Rutteyə dialoqa hazır olduğunu bildirib

Rusiya Prezidenti Vladimir Putinin köməkçisi Vladimir Medinski NATO-nun Baş katibi Mark Rutte ilə Malorossiya və Zaporojye Ordusu mövzusunda dialoqa hazır olduğunu bildirib.

TodayPress TV xəbər verir ki, bu barədə "TASS" agentliyi məlumat yayıb.

Medinski vurğulayıb ki, belə bir söhbət yalnız ehtiyac yaranarsa baş tuta bilər. Onun sözlərinə görə, əgər dialoq baş tutarsa, NATO Baş katibi yeni məlumatlar öyrənəcək, özü isə Niderlanddan olan tacirlərin İndoneziyanı mənimsəməsi barədə danışacaq.

Rusiya Prezidentinin köməkçisi əlavə edib ki, Rutteyə 6-cı sinif üçün nəzərdə tutulmuş Rusiya tarixi dərsliyini göndərməyə hazırdır. Lakin onun fikrincə, bu addımın mənası yoxdur, çünki NATO Baş katibi həmin kitabı oxumayacaq.

Töhfə Səməd