Kamçatkada zəlzələ baş verdi

Rusiya Elmlər Akademiyasının Birləşmiş Geofizika Xidmətinin Kamçatka filialı şərq sahillərində güclü zəlzələnin qeydə alındığını açıqlayıb.

TodayPress TV xəbər verir ki, alimlərin məlumatına görə, bu, son sutkada bölgədə qeydə alınan maqnitudası 5,0-dan yuxarı olan üçüncü zəlzələdir.

Hadisə avqustun 25-də yerli vaxtla 16:05-də baş verib. Episentr Sakit okeanda, Petropavlovsk-Kamçatsk şəhərindən 278 kilometr məsafədə yerləşib. Ocağın dərinliyi isə 49,6 kilometr olub.

Seysmoloqlar zəlzələnin dəqiq koordinatlarını da açıqlayıblar: 50.6340 şimal enliyi, 157.6586 şərq uzunluğu.

Xatırladaq ki, bundan əvvəl bölgədə yerləşən Kraşeninnikov vulkanının zirvəsindən hündürlüyü bəzi yerlərdə 10 metrə çatan güclü lava axını müşahidə olunmuşdu.

Qiymət Mahir