Kadırov üç aylıq fasilədən sonra iclas keçirdi

Çeçenistanın rəhbəri Ramzan Kadırov üç ay fasilədən sonra ilk dəfə olaraq hökumət üzvləri ilə geniş müşavirə keçirib.

TodayPress TV xəbər verir ki, bu barədə Kadırov şəxsi "Telegram" hesabında məlumat paylaşıb.

İclas zamanı Rusiya Silahlı Qüvvələrinin Ukraynadakı xüsusi hərbi əməliyyatlarının (SVO) gedişi müzakirə olunub. Əməliyyat üzrə yerli qərargahın rəhbəri Maqomed Daudov geniş məruzə ilə çıxış edib.

Kadırov bildirib ki, bu günə qədər Çeçenistandan SVO zonalarına 60 344 nəfər göndərilib, onların 22 064 nəfəri könüllülərdir. Hazırda 13 mindən çox çeçen hərbçi tapşırıqları yerinə yetirir.

Çeçenistan rəhbərliyi yaxın günlərdə bölgədə SVO veteranları assosiasiyasının yaradılacağını da açıqlayıb.

Qiymət Mahir