İran və AEBA arasında üçüncü danışıqlar raundu gözlənilir

İranın Atom Enerjisi Təşkilatının rəhbəri və vitse-prezidenti Məhəmməd İslami bildirib ki, İran Xarici İşlər Nazirliyi və Beynəlxalq Atom Enerjisi Agentliyi (AEBA) arasında danışıqların üçüncü raundu planlaşdırılır.

TodayPress TV xəbər verir ki, bu barədə o, "IRNA"ya açıqlamasında bildirib.

“İndiyədək Xarici İşlər Nazirliyi ilə AEBA arasında iki görüş keçirilib və üçüncüsü yaxınlaşır. Amma əsas problem təşkilatın baş direktoru Rafael Qrossidir. Çünki təşkilatın idarəetməsi imperialist təsir altındadır".

Qeyd edək ki, son illərdə İranla AEBA arasında münasibətlər Tehranın nüvə proqramı səbəbindən gərginləşib.

AEBA İranı şəffaflığın olmaması və müfəttişlərə məhdud çıxış verməkdə ittiham edir.

Türkan İsgəndərli