Fransa Ukraynada sülh üçün real addımlar gözləyir

Fransa hökuməti Ukraynada sülhə nail olmaq üçün real və konkret addımların atılmasını gözlədiyini bildirib. 

TodayPress TV xəbər verir ki, bu barədə hökumət sözçüsü Sofi Prima "CNEWS" telekanalına açıqlamasında deyib.

Onun sözlərinə görə, son həftələrdə çoxlu danışıqlar aparılsa da, sülh prosesinin başlaması üçün əsas şərt atəşkəsin əldə olunmasıdır.

Fransa rəsmisi ABŞ prezidenti Donald Trampın Ukrayna üzrə sülh danışıqlarının Vatikanda keçirilməsi təklifini “gözəl simvol” kimi qiymətləndirib.

Qeyd edək ki, Rusiya prezidenti Vladimir Putin və Donald Tramp arasında iki saatdan çox davam edən telefon danışığı olub. Əsas mövzu Ukraynadakı münaqişənin həlli yolları olub.

Türkan İsgəndərli