Çinli məktəblilər Marsda

Çinin Hubey əyalətində yerləşən Şenlonq ibtidai məktəbində keçirilən qeyri-adi dərsdə beşinci və altıncı sinif şagirdləri "VR" eynəkləri ilə Mars səthini “gəziblər”.

TodayPress TV xəbər verir ki, bu barədə "Sinxua" məlumat yayıb.

“Marsda xilasetmə” mövzusunda keçirilən bu praktiki dərsdə uşaqlar süni intellekt vasitəsilə xilasetmə maşınları dizayn edib, "3D" printerlə loqolar hazırlayıb və virtual missiyaları simulyasiya ediblər.

Məktəb rəhbəri Han Cin bunu “süni intellektin dəstəklədiyi gələcəyin sinfi” adlandırıb.

Təhsil Nazirliyinin rəsmisi Tyan Zuyinin sözlərinə görə: “Rəqəmsal təhsilin gətirdiyi dəyişiklik eksponensial olacaq. Cəsarətlə və innovasiya ilə gələcəyin daha ağıllı və inklüziv təhsil modelini birlikdə qurmalıyıq".

Töhfə Səməd