ABŞ rüsumlardan əldə etdiyi gəliri açıqladı

"ABŞ hazırda dünya Ümumi Daxili Məhsulunun (ÜDM) yarıdan çoxunu təşkil edən ölkələrlə yeni ticarət sazişləri bağlamağa nail olub".

TodayPress TV xəbər verir ki, bunu “Fox News”a müsahibəsində Ağ Evin Milli İqtisadi Şurasının direktoru Kevin Hassett bildirib. 

Onun sözlərinə görə, ABŞ bu sazişlər sayəsində həm trilyonlarla dollarlıq yeni investisiyalara, həm də tariflərdən eyni miqdarda gəlirə sahib olub.  

O, həmçinin İsveçrənin də hazırda tarif məsələləri ilə bağlı Vaşinqtonla aktiv danışıqlar apardığını qeyd edib. 

Qeyd edək ki, bundan əvvəl Ağ Ev rəhbərliyinin ABŞ-yə ixrac edilən qızıl külçələrinə tətbiq ediləcək əlavə rüsumlar barədə qərarı İsveçrə iqtisadiyyatı üçün ciddi təhdid kimi dəyərləndirilib. 

Aysel Mətləb