ABŞ-də güclü tornado: 16 nəfər öldü, onlarla yaralı var

ABŞ-nin şərqində yerləşən Missuri və Kentukki ştatlarında baş vermiş güclü tornado nəticəsində azı 16 nəfər həyatını itirib, onlarla insan xəsarət alıb. 

TodayPress TV xəbər verir ki, bu barədə “NBC” məlumat yayıb.

Məlumata görə, təbii fəlakət mayın 16-ı axşam saatlarında başlayıb. 

Güclü külək və leysan səbəbindən 140 minə yaxın insan işıqsız qalıb, 2 mindən çox evə ziyan dəydiyi ehtimal olunur.

Yaralılar arasında tibbi yardıma ehtiyac duyanların sayı da kifayət qədərdir. Axtarış-xilasetmə işləri davam etdirilir. 

Tornadonun yaratdığı fəsadların dəqiq miqyası isə hava şəraiti yaxşılaşdıqdan sonra müəyyən olunacaq.

Nicat Osman