400 minlik festivalda güclü yanğın baş verdi

Belçikada hər il keçirilən böyük "Tomorrowland" festivalının əsas səhnəsi festivalın başlanmasına cəmi iki gün qalmış yanğın nəticəsində külə dönüb.

TodayPress TV xəbər verir ki, bu barədə "Yle" məlumat yayıb.

Festival işçiləri bildirib ki, dörd həftə davam edən səhnə qurma işləri tamamilə məhv olub.

Yanğında heç kim xəsarət almayıb. Yanğının səbəbi ilə bağlı araşdırma aparılır.

Festivalın təşkilatçıları əsas səhnənin məhv olmasına baxmayaraq tədbirin keçiriləcəyini açıqlayıblar.

Qeyd edək ki, "Tomorrowland" festivalı iki həftəsonu ərzində keçirilir və hər il təxminən 400 min ziyarətçini qəbul edir. Festival 2005-ci ildə başlayıb və COVID-19 pandemiyası səbəbindən 2020-2021-ci illərdə keçirilməyib.

Töhfə Səməd