Britaniya Ukraynaya PUA-ların tədarükünü 100 minə çatdıracaq

Böyük Britaniya bu il Ukraynaya pilotsuz uçuş aparatlarının (PUA) tədarükünü 10 dəfə artırmağı və ümumi sayını 100 minə çatdırmağı planlaşdırır. 

TodayPress TV xəbər verir ki, bu barədə Müdafiə Nazirliyi məlumat yayıb.

Bildirilir ki, bu məqsədlə 350 milyon funt sterlinq (təxminən 470 milyon dollar) ayrılıb. Bu, Böyük Britaniyanın Ukraynaya ümumilikdə 4 milyard funt sterlinqlik hərbi yardım paketinin bir hissəsidir.

Rusiyanın Böyük Britaniyadakı səfirliyi isə bu yardımları tənqid edərək, Londonu Rusiyaya qarşı qarşıdurmanı artırmaqda ittiham edib.

Türkan İsgəndərli