Almaniya: NATO hərbi toqquşmaya hazır olmalıdır

Almaniya Silahlı Qüvvələrinin baş inspektoru Karsten Broyer NATO-nun qarşıdakı dörd il ərzində Rusiya ilə hərbi toqquşmaya hazırlaşmalı olduğunu bildirib.

TodayPress TV xəbər verir ki, “BBC” Broyerin çıxışından sitat gətirərək, onun Rusiyanın artan hərbi potensialından narahatlığını ifadə etdiyini yazıb.

Generalın sözlərinə görə, Rusiya təkcə 2024-cü ildə 152 mm-lik artilleriya mərmilərindən 4 milyon ədəd istehsal edib və bunların hamısı Ukraynada istifadə olunmayacaq. O həmçinin qeyd edib ki, Moskva hər il 1 500 əsas döyüş tankı istehsal edir və onların bir çoxu Baltikyanı ölkələrə mümkün hücumda istifadə edilə bilər.

“Ukraynaya hər tank göndərilmir; bəziləri anbarlarda və yeni hərbi strukturlarda saxlanılır, bunlar isə həmişə Qərbə yönəlib”, – deyə Broyer vurğulayıb.

O əlavə edib ki, NATO bu gün son 40 ildə görünməmiş dərəcədə böyük hərbi təhdidlə üz-üzədir. Buna cavab olaraq Broyer Bundesverin 2029-cu ilədək hərbi münaqişə ssenarilərinə hazır olmaq üçün lazım olan bütün silah və texnika ilə təchiz olunması əmri verib.

Qiymət Mahir