Almaniya: ABŞ yeni sanksiyaları nəzərdən keçirə bilər

Almaniyanın xarici işlər naziri Yohann Vadeful bildirib ki, ABŞ-nin Rusiyaya qarşı əlavə sanksiyalar tətbiq etməyə “yüksək hazırlığı” var. 

TodayPress TV “Sky News”a istinadən xəbər verir ki, o, bu barədə Brüsseldə keçirilən Avropa İttifaqının Xarici İşlər Şurasının iclasında danışıb.

Vadeful Rusiyanın hələ də sülh danışıqlarına hazır olmadığını vurğulayıb və bildirib ki, prezident Vladimir Putin real dialoqa başlamayana qədər Avropa İttifaqı mövcud sanksiyaları sərtləşdirməyə hazır olacaq.

“Biz dəfələrlə Rusiyadan şərtsiz atəşkəs gözlədiyimizi bildirmişik. Amma Moskva bu addımı atmır və buna cavab verməliyik. Ümid edirik ki, ABŞ da buna dözümlü yanaşmayacaq” deyə o əlavə edib.

Qiymət Mahir