“Formula-1” tarixi yeniliyin astanasında

“Formula-1”in yeni nəsil bolidləri 2026-cı ildən etibarən trasların düz hissələrində 400 km/saata qədər sürət yığa biləcək. 

TodayPress TV xəbər verir ki, bu göstərici elektrik mühərriklərinin gücünün artırılması və təkmilləşdirilmiş aktiv aerodinamikaya görə mümkün olacaq.

“Tam güc tətbiq ediləndə sürət demək olar ki, 400 km/saata çatır", – deyə “Mersedes” komandasının rəhbəri Toto Volf bildirib. 

“Aston Martin”in ehtiyat pilotu Felipi Druqoviç isə əlavə edib: 

“Maşın döngədən elə sürətlə çıxır ki, sanki raketdə oturmusan”.

Beynəlxalq Avtomobil Federasiyasının məlumatına görə, 2026-cı il bolidləri hazırkılardan daha qısa, dar və kompakt olacaq. Ön və arxa qanadların forması dəyişdiriləcək, bəzi elementlər ləğv ediləcək, aktiv aerodinamika isə düzlüklərdə müqaviməti minimuma endirəcək.

Yeni nəsil bolidlərdə güc qurğularının göstəriciləri də artacaq: ən yaxşı daxiliyanma mühərrikləri 575 at gücünə, elektromotorlar isə 475 at gücünə qədər işləyəcək. 

Bu, “Formula-1” tarixində rekord fırlanma anı təmin edəcək. Döngələrdə isə aşağıdakı təzyiq qüvvəsi və daha dar şinlər səbəbindən sürət azalacaq, lakin pilotlar enerji axınına və batareyanın idarəetmə taktikalarına daha çox nəzarət imkanı əldə edəcəklər.

Namiq HUN