Dembele “Qızıl top” mükafatına əsas namizəddir

Fransa Futbol Federasiyasının (FFF) prezidenti Filip Diallo hesab edir ki, PSJ-nin hücumçusu Usman Dembele başa çatan mövsümün yekunlarına görə “Qızıl top” mükafatına layiqdir. 

TodayPress TV xəbər verir ki, bu barədə Get French Football News məlumat yayıb. 

O, həmçinin “Real Madrid”in forvardı Kilian Mbappeni də mükafata namizədlər arasında göstərib.

“Dembele bu mövsüm heyrətamiz çıxış etdi. Böyük ehtimalla, o, əsas favoritlərdən biridir. Fransa adından iki futbolçunun - Dembele və Mbappenin mükafatçılar kürsüsündə yer alacağı ehtimalı bizi sevindirir. Dembele titulu qazanmağa layiqdir”, - deyə Diallo bildirib. 

Qeyd edək ki, Usman Dembele son mövsüm bütün turnirlərdə ümumilikdə 48 məhsuldarlıq balı toplayıb (“qol+assist” sistemi üzrə). O, PSJ ilə birlikdə UEFA Çempionlar Liqası, Fransa Liqa 1, ölkə kuboku və Superkubokunu qazanıb.

Namiq HUN